Kasadya sa Iligan City! Happy Fiesta! Viva Senior San Miguel!

Kasadya of the Diyandi Festival features street dancing, sports, and lots of fun!
Viva Senior San Miguel!

Dakbayan sa Iligan, gikonsiderar sa PRA nga himoong retirement site

Gikonsiderar karon sa Philippine Retirement Authority (PRA) ang Dakbayan sa Iligan isip usa sa mga retirement site sa mga langyaw.

Gibutyag kini nga kasayuran ni Regional Director Catalino “Butch” Chan III sa Department of Tourism- Regional Office 10 atol sa iyang pagbisita sa dakbayan dili pa lamang dugay. Sigun sa asoy ni Chan, nahimo na karong parte sa DOT ang PRA.

Sa samang hisgutan, nasayran usab gikan ni Mayor Lawrence Lluch Cruz nga aduna na’y mga imbestor sa mga housing projects alang sa foreign retirees ang mibisita ning mga panahona sa iyang buhatan.

Gisaysay sa amahan sa siyudad nga pipila sa mga dapit sa dakbayan nga tinguhang pagatukuran sa maong mga imbestor ang Pugaan, Tipanoy ug Abuno.

Giabi-abi ni Mayor Cruz ang naasoy’ng kalambo-an sanglit timailhan man kini nga dako ang kumpiyansa sa mga daghang mga langyaw nga anhi na permanenteng manimuyo o kaha posibleng mobubo sa ilang puhunan sa panahon sa ilang pag-retiro. (CIO--mta)

Jobs Fair ipahigayon atol niining Diyandi Festival

Andam na ang kagamhanang lokal sa natakdang Jobs Fair nga ipahigayon ugmang adlawa diha sa Rizal Park (plaza publiko) ning siyudad, gikan sa alas 8:00 sa buntag hangtud sa alas 5:00 sa hapon.

Kini kabahin pa gihapon sa pagselebrar sa Diyandi Festival sa syudad-- ang paghatag ug mga oportunidad alang sa mga nagkinahanglan og trabaho.

Sa nasayran gikan ni Mr. Celso Fernando, natakdang modangat atol niini ang Regional Director sa Department of Labor and Employment-Regional Office 10 nga si Atty. Allan Macaraya isip pinasidunggang bisita. Mibutyag usab ang Manager sa Public Employment Services Office sa Iligan nga salmutan ang jobs fair sa dili moubos sa biente (20) ka mga local ug overseas employment agencies.

Mopahigayon sa pormal nga pagbukas sa maong kalihukan mao si Mayor Lawrence Lluch Cruz kauban sila si City Councilor Ariel Anghay sa Committee on Labor and Employment sa konseho ug Suarez Barangay Captain Doods Dalangin, Chairman sa 2009 Diyandi Festival.

Parte ang natakdang jobs fair sa gatusan ka mga kalihukan alayon ning pagsaulog sa tinuig nga pangilin sa dakbayan sa Iligan. (CIO/mta)

Iligan’s Dyandi Festival opens by honoring media

by Violeta M. Gloria/MindaNews
Monday, 31 August 2009 22:48

ILIGAN CITY (MindaNews/31 August) – It was the turn of media workers here to be feted to a night of songs and dances when the city opened the month-long Dyandi Festival with Pakighimamat sa Prensa (Meeting the Press) at Elena Tower Inn.
Erlito Dalangin, barangay captain of Suarez and head of the Dyandi Festival management declared “tonight is the opening salvo of Dyandi, our feast. And we dedicate this night to media workers of this city.”

“With the theme ‘Tuyhakaw Iligan, Cge Go!’, this city must rise for peace and development through media’s indispensable role to showcase the city’s wholesome image and subsequently help improve our economy by enticing investors with what we could offer,” Dalangin said.

He said “Cebu succeeded when media workers helped promote its potentials as an island. We hope we could do the same.”

“We hereby declare the Dyandi festival open with media workers eager and zealous to promote the glory of this city,” he said.

Media workers received a red carpet welcome and were ushered in by the top twelve candidates for the Miss Iligan beauty contest. [More at MindaNews]

Exec Mgt. Commitee mudumala sa Diyandi Festival 2009

Na-resolbar na sa mga sakop sa Sangguniang Panlungsod ang isyu kalabot sa grupo nga mao’y tugyanang modumala sa Diyandi Festival sa Iligan ning tuiga.

Pabor ang konseho nga magpadayon una ang mga nasugdang mga paglihok sa Diyandi Festival 2009-Executive Management Committee ubos sa pagpangulo ni Suarez Barangay Captain Erlito “Doods” Dalangin.

Tungod kini kay ning panahona, kinahanglan pang motudlo si Mayor Lawrence Lluch Cruz og mga personalidad nga molangkob sa foundation ug ipa-rehistro pa usab kini sa Securities and Exchange Commission (SEC).

Na-uyonan ang mosyon ni City Councilor Moises Dalisay, Jr. nga isuspende una sulod sa tulo ka bulan ang hingpit nga pagpatuman sa City Ordinance No. 09-5473, ang balaod sa siyudad nga nagmugna sa Diyandi Activities Foundation of Iligan Incorporated.

Partikular nga gisuspende ang paragraphs (a) ngadto sa (g) sa Section 3 nga mao ang naghatag katungod sa foundation nga mao na’y modawat sa mga donasyon, kontribusyon ug susama niini, pagpirma sa kontrata ug uban pa. Lakip nga gisuspende ang probisyon sa organization and operation nga nakalatid diha sa Section 4, relasyon sa Executive Committee ug foundation nga nakalatid sa Section 5 ug ang Transitory Provision diha sa Section 8.

Gitakdang matapos ang suspensiyon sa Oktobre 31 ning tuiga. (CIO/mta)