AIM misa-ulog sa pista sa Iligan didto sa kaulohan

Gisa-ulog sa kapin dos centos (200) ka mga sakop sa Association of Iliganons in Manila (AIM) ang kapistahan sa Dakbayan sa Iligan didto sa kaulohan niini lamang nakalabay’ng Septembre 12.

Natigayon ang maong selebrasyon sa usa sa mga inilang bar sa Makati, kauban si Mayor Lawrence Lluch Cruz ug kanhi unang ginang sa Iligan nga si Ms. Lenny Cabili.

Tumong sa maong grupo ang paglipay-lipay ug paghugoy-hugoy kauban ang isigka-Iliganon didto sa kaulohan atol ning pagsaulog sa tinuig nga pangilin sa siyudad.

Atol sa maong okasyon, nanumpa atubangan ni Cabili ang mga bag-ong opisyales sa AIM ubos karon sa pagpangulo ni Ms. Agnes Rafanan-Brazell.

Gipasidunggan usab sa asosasyon isip mga Outstanding Iliganons in Manila sila si Anton Sheker, Cyrus Baguio ug Julie Lluch. (mta/CIO)