Seguridad andam na sa "Pagpakanaug ni San Miguel"

Andam na ang mga sakop sa kapulisan, kasundalohan ug mga volunteer groups sa siyudad nga ipatuman ang security plan alang sa ipahigayon karong alas ocho sa buntag nga “Rito sa Pagpakanaug” sa imahe sa mahal nga patron Señor San Miguel.

Makatutok ang maong plano sa pagsiguro nga luwas ang libo-an ka mga deboto gikan sa posibleng kasamok alang sa hapsay nga dagan sa seremonya.

Ipakatap libot sa St. Michael’s Cathedral ang mga elemento sa hini-usang pwersa sa kapulisan, kasundalohan ug ubang force multipliers.

Sama sa naandan, dumalahon ang himoong ‘pagpakanaug’ nila ni Mayor Lawrence Lluch Cruz, Congressman Vicente “Varf” Belmonte, Jr. ug hepe sa kapulisan nga si P/Sr. Supt. Bernardo Reamon, Jr. (mta/CIO)