Opisyales ug ABC mag-social night karon

Natakdang ipahigayon karon, Septembre 25 sa alas 6:00 ang takna sa gabii ang usa ka social celebration sa mga opisyal sa siyudad ug mga sakop sa Association of Barangay Councils (ABC) alayon ning pagsa-ulog sa 2009 Diyandi Festival sa Iligan.

Sumala ni Suarez Barangay Captain Erlito “Doods” Dalangin, Chairman sa 2009 Diyandi Festival, tumong niini ang paghatag og higayon sa usa ka tuig nga magkatapok sa usa ka salo-salo ang mga opisyal sa kabaranggayan ug mga opisyal sa siyudad.

Matud pa, nagtoo ang mga haligi sa siyudad nga sila si Congressman Vicente “Varf” Belmonte, Jr., Mayor Lawrence Lluch Cruz ug Vice Mayor Henry Dy nga dugang makapalig-on ang maong okasyon sa relasyon tali sa mga barangay ug city officials.

Ipahigayon ang maong kalihukan didto sa ikapitong andana sa Elena Tower Inn, Tibanga ning siyudad. (CIO: mta)