Inter-Barangay Women’s Volleyball, natapos na kagahapong adlawa; Pala-o, migulang kampeon

Natapos na kagahapong adlawa ang labing unang Inter-Barangay Women’s Volleyball Tournament nga gipasi-ugdahan sa City Sports Commission ubos sa buhatan ni Mayor Lawrence Lluch Cruz ug sa Iligan City Council of Women (ICCW).

Migulang kampeon ang volleyball team sa Pala-o Women kinsa midawat sa ocho mil pesos nga ganting salapi ug trophy. Nagsunod diha sa ikaduhang ang team sa Barangay Santiago kinsa midawat sa sais mil pesos nga ganting salapi ug trophy, samtang sa ikatulong dapit ang Tipanoy nga midawat og singko mil pesos ug trophy ug ika-upat nga dapit ang Kiwalan nga midawat og tres mil kinyentos pesos ug trophy.

Angmaong paugmnat sa kusog kabasin sa mga nalatid nga mga aktibidades sa Diyandi Festival sa syudad.

Midumala sa gipahigayong awarding program human sa championship game didto sa Rizal Park sila si City Sports Director Freddie Siao ug ICCW President Renefe Padilla.

Nagsugod ang maong torneyo niadtong Hulyo 4 ning tuiga nga gisalmutan sa 33 ka mga teams gikan sa nagkalain-laing women’s organizations sa kabaranggayan.

Gipasalamatan nila ni Siao ug Padilla ang partisipasyon sa mga kababayen-an ning siyudad ingon man si City Councilor Pisyong Larrazabal sa gihatag nga suporta isip Chairman sa Committee on Sports sa konseho ning siyudad. (CIO--boy decena)